Këto janë shtatë golat e shënuar në ndeshjen Ulpiana – Vllaznia, që u konsideruar si e kurdisur nga FFK
Ndeshja në mes të Ulpianës dhe Vllaznisë së Pozheranit në Ligën e Parë Grupi B ishte mbyllur me rezultat 4-3 në të mirë të mysafirëve, por sot është anuluar, pasi sipas Komisionit të Garave ajo ka qenë e kurdisur.
Kështu thuhet në vendimin për këtë ndeshje, teksa përballja do të regjistrohet si ndeshje e luajtur, por pikët dhe golat nuk do të regjistrohen.
Përballja Ulpiana-Vllaznia ngjalli shumë polemika fundjavën e kaluar, me mënyrën se si Vllaznia shënoi golat, ku pozharanasit fituan ndeshjen 4-3 edhe pse pas pjesës së parë ishin duke pësuar humbje me rezultat 2-1.
Se si shkoi kjo ndeshje dhe si u shënuan golat, mund ta ndiqni në videon e më poshtme.
FFK sipas deklaratës zyrtare ka edhe komunikimin e disa lojtarëve me SMS lidhur me zhvillimin dhe rezultatin e ndeshjes si dhe të dhënat nga disa raporte tjera konfidenciale.
Cytja, mitosja, marrëveshja dhe kurdisja e rezultatit janë pjesë e Rregullores Disiplinore të FFK-së, të cilat sanksionohen në nenin 60.
Lojtari që është pjesëmarrës në kurdisje mund të dënohet nga 3 muaj deri në 1 vit, ndërsa parashihet edhe dënimi me tëholla nga 500 deri në 2000 euro.
Për zyrtarin e klubit dhe anëtarin e udhë-heqësisë së futbollit parashihet dënim prej 1 deri në 2 vite.
Sa i përket klubeve dënimin shkon nga marrja e 9 pikëve, deri te largimi nga rangu përkatës i garave. Dënimi me të holla për klubet shkon nga 1 mijë deri në 10 mijë euro.
Në ditët në vijim pritet të ketë dënime për aktetërt e kurdisjes së kësaj ndeshja, pasi të dy klubet dhe emra nga të dyja klubet tashmë janë në procedurë.
