Kamenica burim i personaliteteve të shquara
Të shoqëruar nga i pari i Komunës, z.Kadri Rahimaj, me një ftesë të veçantë, personalitete të shquara nga Kamenica janë mbledhur së bashku.
Në një tryezë të përbashkët, në fshatin Tugjec, figura të rëndësishme, kanë diskutuar e kanë ndarë eksperiencat e tyre profesionale të cilat padyshim se do të shërbejnë si udhërrëfyes në të ardhmen.
Një organizim i tillë, është bërë në kuadër të “Kamenica Summer Fest”, në shenjë falenderimi dhe mirënjohje për kontributin e këtyre personaliteteve, nga e kaluara e deri më sot, ku biseda produktive, këshilla e rekomandime që transmetonin vlera të çmuara për të mirën e përbashkët, u mirëpritën nga Kryetari i Komunës duke e falenderuar gjithësecilin për angazhimin e tyre në zhvillimin e komunës dhe vendit.
