Ka ndërruar jetë në ShBA, ish futbollisti e trajneri Tajar Berisha – FC Drita telegram ngushëllimi

Sporti gjilanas në përgjithësi e futbolli në veçanti ka humbur sportistin e dalluar, Tajar Berisha.

Ish futbollisti i shquar e trajneri i kahershëm Tajar Berisha, ka ndërruar jetë në SHBA ku jetonte prej kohësh, gjegjësisht nga periudha e luftës në Kosovë, ku kishte emigruar si shumë Kosovarë tjerë në atë periudhë.

Me rastin e vdekjes se iish-futbollistit Tajar Berisha, familjes së të ndjerit i ka dërguar televram ngushëllimi FC Drita, fanelën e së cilëa skuadër kishte bartur gjatë karrierës së tij, viteve 70-të të shekullit të kaluar.

POSTIMI/TELEGRAMI I NGUSHËLLIMIT NGA FC DRITA

TELEGRAM NGUSHËLLIMI

Me dhimbje të madhe dhe pikëllim të thellë morëm lajmin për ikjen në amëshim të veteranit të sportit gjilanas dhe jo vetëm, ish lojtarit dhe ish trenerit të klubit tonë, të ndjerit Tajar Berisha.

E nderuara familje Berisha, pranoni ngushëllimet më të sinqerta për humbjen e më të dashurit tuaj.

Klubi ynë me mendje e zemër është afër jush në këto momente aspak të lehta për ju si familje, për shokët dhe kolegët e të ndjerit Tajar.

Tajar Berisha një figurë shume e dashur dhe njeri me vyrtyte të larta njerëzore. Futbollist i shquar i klubit tonë gjatë viteve 1970-1980 dhe pastaj edhe si trener i klubit tonë në kohen e okupimit dhe gjithashtu edhe në kohën e çlirimit.

Tajari ishte edhe njeri atdhedashës i cili aktivisht punoi për të çlirimin e vendit nga okupimi ku në periudhën e viteve 1997-98 ishte edhe i burgosur së bashku me disa figura të shquara politike të anamoravës për zhvillimin e veprimtarive kundër regjimit të asaj kohe.

I ndjeri ka ndërruar jetë në shtetet e bashkuara të Amerikës ku edhe kishte emigruar me familjen e tij.

I përjetshëm kujtimi për Tajarin dhe veprat e tij sportive dhe atdhedashëse.

Prehu në paqë Tajar🕊️