Interesim i jashtëzakonshëm për Eurovision, biletat shiten për vetëm 36 minuta
Biletat për Eurovisionin e sivjetmë u shitën në vetëm 36 minuta, në garën do të zhvillohet në Liverpool Arena nga 9 deri më 13 maj.
Me një biletë janë të disponueshme nëntë shfaqje për t’i parë në Liverpool Arena, duke filluar nga gjysmëfinalet, provat e veshjeve e deri në finalen e madhe më 13 maj.
Megjithatë, ata që u përpoqën të blinin bileta kishin probleme të shumta. Njerëzit kanë raportuar se kanë marrë mesazhe “Error 503”, duke pretenduar se sesioni i tyre ka mbaruar, ndërsa të tjerët kanë hasur pretendime se mund të jenë robotë, shkruan BBC.
Biletat për finalen u shitën për 36 minuta, ndërsa shfaqjet e tjera u shitën rreth një orë më vonë. Organizatorët njoftuan në Twitter se kërkesa për bileta ishte “super e lartë”.
Edhe pse vendi i Merseysides zakonisht mban 11 mijë njerëz, mendohet se rreth 6 mijë bileta do të jenë në dispozicion për shfaqje, me hapësirë të reduktuar për shkak të skenës së madhe dhe kërkesave të produksionit.
