Hyseni uron drejtorin e ri të QKMF-së në Gjilan, Basri Kamberi
Kryetari i Komunës së Gjilanit, Alban Hyseni, së bashku me drejtoreshën për Shëndetësi dhe Mirëqenie Sociale, Mimoza Kadriu-Qerimi, kanë vizituar Qendrën Kryesore të Mjekësisë Familjare në Gjilan.
Gjatë kësaj vizite, ata i uruan suksese Dr. Basri Kamberi për përzgjedhjen e tij në pozitën e drejtorit të QKMF-së.
Kryetari Hyseni u shpreh i bindur se me profesionalizmin dhe përkushtimin e tij, ky institucion do të vazhdojë të zhvillohet edhe më tej.
Ai theksoi se Komuna e Gjilanit mbetet e përkushtuar në avancimin e politikave shëndetësore, me synim ofrimin e shërbimeve sa më cilësore për qytetarët.
“Punë të mbarë dhe shumë suksese drejtorit të ri dhe gjithë personelit shëndetësor”, u shpreh Hyseni.
