Hyseni ngushëllon familjen e viktimës së zjarrit në Gjilan

Ka reaguar kreu i Komunës së Gjilanit, Alban Hyseni, pas tragjedisë së sotme ku humbi jetën një qytetar nga përfshirja e banesës së tij nga zjarri.

Hyseni u ka shprehur ngushëllime familjes dhe miqëve të ndjerit, duke e cilësuar tragjedi të rëndë rastin.

POSTIMI

Një tragjedi e rëndë na ka goditur sot. Një 50-vjeçar humbi jetën sot në një aksident zjarri, duke lënë zbrazëti të madhe në zemrat e familjes, por edhe gjithë miqve e bashkëqytetarëve.

Njësitet e zjarrfikësve dhe policia e qytetit me urgjencë kanë dalë në vendin e ngjarjes, ku edhe kanë bërë evakuimin e të gjithë banorëve nga ndërtesa, për çështje sigurie.

Shpresojmë që tragjeditë e tilla të mos përsëriten kurrë. Ngushëllimet e mia më të sinqerta familjes dhe të gjithë atyre që e njohën të ndjerin!