“Goli i vitit” – Meksikania shënoi një supergol, edhe Ibrahimovic do ta kishte zili
Në xhiron e dhjetë të kampionatit të Meksikës për femra, pamë një gol që do të jetë në garën më të ngushtë dhe për shumëkënd favorit për të fituar çmimin Puskas, i cili jepet për golin e vitit.
Tigres priti Guadalajara Chivas, dhe rezultati ishte 0-0 deri në minutën e 76-të.
Kjo ndryshoi pas një goditjeje këndi për Tigres, dhe ajo që bëri Lizbeth Ovalle shpejt bëri xhiron e botës në rrjetet sociale.
Goditja nga këndi u ekzekutua keq, por topi u kthye te lojtarët e Tigres.
Tigres Women's player Lizabeth Ovalle has scored THIS amazing goal!🤯#GoalOfTheDaypic.twitter.com/ObCVOoV5wD
— 101 Great Goals (@101greatgoals) March 5, 2025
Jennifer Hermoso, futbollistja që doli në qendër të vëmendjes globale pasi u puth në buzë nga presidenti i Federatës Spanjolle, Luis Rubiales, pasi fitoi Kupën e Botës, e harkoi topin në zonë dhe më pas Ovalle jetoi me pseudonimin e saj.
25-vjeçarja meksikane, e mbiquajtur “Magjistarja”, vendosi për një goditje që vetëm Zlatan Ibrahimovic do ta kishte menduar.
Ajo vendosi të shkojë për një goditje të njohur si “scorpion” apo ‘akrep’, një gjuajtje me shputën e këmbës mbi kokë dhe pas një parabole të lartë, topi përfundoi në cepat e portës së mysafirëve.
Ky gol vërtet spektakolar ia vlen të shikohet nga të gjitha këndvështrimet e mundshme dhe do të shohim nëse do të shpallet më i bukuri apo do të shpërblehet Ovalle me çmimin Puskas.
