Gjilani mbetet pa trajner! – “lkën” Duro me vetëm dy ndeshje ndërkombëtare në CV me skuadrën
Trajneri Klodian Duro ka dhënë dorëheqje nga skuadra e Gjilanit. Lajmin e ka bërë të ditur vetë Duro në Facebook.
“Fund. U bashkuam pa e pritur njëri dhe po kështu po ndahemi. Në luftë shkohet me trima dhe trimat e mij luftuan si asnjëherë më parë në dy përballje shumë të forta ku ishim të pabarabartë në numër”, ka shkruar ai.
“Në të parën 11 kundër 14 dhe në të dytën 10 kundër 14, por asnjëherë dhe në asnjë moment nuk u dorëzuam por luftuam si heronjë të vertetë, ashtu sic i ka hije trimave të kombit. Pritëm deri në fund të gjithë bashke për të luftuar përsëri në betejat që kishim para, por ishte e pamundur. Ishte shumë e bukur për aq sa zgjati dhe largohemi të gjithë me kokën lart si shqiponjë”.
45-vjeçari e kishte marrë klubin e Gjilanit më 26 Qershor dhe i kishte drejtuar dy ndeshje në Uefa Conference Leauge.
