Gjila: Rinia e PDK-së me aksion simbolik “shenjëzojnë rrugën”, kritikojnë qeverisjen komunale
Me një aksion simbolik, Rinia Demokratike e Kosovës – dega në Gjilan, kanë shenjëzuar me “zebra” për kalimtarë një pjesë të aksit rrugor afër objektit të Universitetit “Kadri Zeka” në Gjilan.
Përmes një adresimi medial, kreu i Rinisë Demokratike në Gjilan, Qëndrim Qerimi është shprehur kritik ndaj komunës së Gjilanit.
“… Qeverisja komunale e VV-së në Gjilan nuk është në gjendje të bëjë as “Zebrat” e bardha në rrugë, e lëre më projekte të tjera madhore”, ka shkruar ai.
Ai më tej ka shkruar/njoftuar se Rinia Demokratike e Kosovës dega në Gjilan, ka vlerësuar se rrezike për kalimtarët ëshsë i madh pa këto shenjëzime, ndërsa është shprehur kritik ndaj qeverisjes komunale, duke e cilësuar të paftë!
“… Gjatë këtij aksioni me anëtarët e RDK-së, i ri-sinjalizuam zebrat e bardha tek Universiteti Kadri Zeka. Për 2 vite qeverisje kryetari Alban Hyseni nuk ka mundur të realizoj punë të thjeshta, e me kosto të vogël siç janë shenjëzimi i zebrave për këmbësorë në asnjë pjesë të qytetit dhe fshatrave. Nga mungesa e shenjëzimit të vendkamimeve rreziku është i madh, sidomos për nxënësit afër shkollave”, ka përfunduar adresimin e tij z. Qerimi, në letrën dërguar mediave.
