Gjashtë raste të dhunës në familje në raportin 24 orësh të Policisë, viktima gratë
Gjashtë raste të dhunës janë në raportin 24 orësh të Policisë së Kosovës.
Në Lipjan është arrestuar një burrë pasi dyshohet se e ka sulmuar fizikisht bashkëshorten e tij. I dyshuari është dërguar në vuajtje të dënimit pasi kishte urdhëresë të gjykatës.
“Lipjan 09.05.2025, 17:30. Është arrestuar i dyshuari mashkull kosovar, pasi që i njëjti pas një mosmarrëveshje kishte sulmuar fizikisht viktimën – bashkëshorten e tij. Viktima nuk ka pranuar tretman mjekësor, ndërsa me vendim të prokurorit rasti procedohet në procedurë të rregullt. I dyshuari është dërguar në vuajtje të dënimit pasi që i njëjti kishte një urdhëresë të gjykatës.”
Një burrë tjetër është arrestuar në Obiliq. Ai kishte sulmuar fizikisht gruan e tij.
“Obiliq 09.05.2025, 16:20. Është arrestuar i dyshuari mashkull kosovar, pasi që i njëjti pas një mosmarrëveshje kishte sulmuar fizikisht bashkëshorten e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.”
Një grua në Ferizaj ka raportuar se ish bashkëshorti i saj i ka dërguar mesazhe kërcënuese në telefon. Ai është dërguar në mbajtje.
“KANOSJE&DHUNË NË FAMILJE- Ferizaj 09.05.2025, 16:00. Ankuesja femër kosovare, ka raportuar se i dyshuari mashkull kosovar, ish bashkëshorti i saj, i kishte dërguar mesazhe kërcënuese përmes telefonit. I dyshuari është arrestuar dhe pas intervistimit me vendim të prokurorit është dërguar në mbajtje.”
Në Klinë një burrë është shoqëruar në polici nën dyshimin se vazhdimisht ka ushtruar dhunë psiqike dhe fizike ndaj bashkëshortes së tij.
“DHUNË NË FAMILJE & LËNDIM I LEHTË TRUPOR- Klinë 08.05.2025-10:00. Është shoqëruar (në stacion policor) i dyshuari mashkull kosovar, nën dyshimin se i njëjti vazhdimisht ushtron dhunë psikike dhe fizike ndaj viktimës femër kosovare-bashkëshortes së tij. Në konsultim me prokurorin, palët pas intervistimit janë liruar në procedurë të rregullt.”
Ndërsa në Istog një burrë është arrestuar pasi ka ushtruar dhunë ndaj ish bashkëshortes së tij.
“DHUNË NË FAMILJE- Istog 09.05.2025, 20:00. Është arrestuar i dyshuari mashkull kosovar, pasi që i njëjti nën ndikim të alkoolit kishte ushtruar dhunë ndaj viktimës femër kosovare- ish bashkëshortes. Viktima ka pranuar tretman mjekësor, ndërsa me vendim të prokurorit i dyshuari është dërguar në mbajtje.”
Në Zubin Potok një grua ka raportuar se është sulmuar fizikisht nga bashkëshorti i saj pas një mosmarrëveshje.
“DHUNË NË FAMILJE- Zubin Potok 09.05.2025, 19:15. Ankuesja femër kosovare, ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. Viktima nuk ka pranuar tretman mjekësor, ndërsa nuk raportohet për të arrestuar.”
