Futbollisti iranian pëson infarkt në fushë, vdes rrugës për në spital
Futbollisti iranian Amirhossein Shirchi vdiq rrugës për në spital pasi pësoi infarkt gjatë një ndeshjeje mes klubit të tij Shohad Babolsar dhe kundërshtarëve Naft Gachsaran në ligën e dytë të Iranit.
Shirchi mbeti i shtrirë i palëvizur në një moment të lojës. Bashkëlojtarët filluan menjëherë të thërrisnin mjekët nga pankina.
Ai është dërguar me urgjencë në spital, por nuk arriti të shpëtonte.
Më pas, presidenti i klubit konfirmoi se pësoi infarkt.
