Ftesë/UKZ organizon diskutim me Kryetarin e Kuvendit të Maqedonisë së Veriut mbi sfidat rajonale dhe integrimet evropiane
Universiteti Publik “Kadri Zeka” në Gjilan, përmes Fakultetit të Shkencave Sociale, të mërkurën, më 21 maj, me fillim nga ora 13:00 në sallën B02 të UKZ-së, do të organizojë një diskutim të hapur me Z. Afrim Gashi, Kryetar i Kuvendit të Maqedonisë së Veriut.
Ky takim do të jetë një mundësi e mirë për studentët, stafin dhe pjesëmarrës të tjerë që të dëgjojnë nga afër mendimet e një figure kyçe të politikës në rajon. Diskutimi do të përqendrohet në rolin e shqiptarëve në Maqedoninë e Veriut, në marrëdhëniet me vendet fqinje dhe në procesin e përbashkëta në rrugën drejt integrimeve evropiane.
Të gjithë të interesuarit janë të ftuar të marrin pjesë dhe të kontribuojnë me pyetje, ide dhe mendime në këtë diskutim të rëndësishëm.
