
Federata e Futbollit e Kosovës: Telegram ngushëllimi për ndarjen tragjike nga jeta të Arbnora Bashës
Arbnora Basha, e cila humbi jetën tragjikisht në një aksident, ishte futbolliste aktive e KF Intelektualet nga Gjilani si dhe ekipit përfaqësues të Kosovës në kategorinë U-17.

Një telegram ngushëllimi familjes së të ndjerës i dërgoi kreu i FFK-së Agim Ademi.
“Ajo për shumë vjet ishte pjesë e KF Intelektualet nga Gjilani dhe me krenari e përfaqësoi Kosovën në aktivitetet ndërkombëtare me fanellen e Kombëtares U17”.
“Me pasionin dhe angazhimin e saj në futboll, ajo shërbeu si shembull frymëzimi që edhe shumë vajza tjera të ndjekin rrugën e sportit, andaj ikja e saj e hershme nga kjo botë ka trishtuar të gjithë komunitetin e futbollit në Kosovë”, shkroi Ademi, shkruan faqja e FFK-së.
Përmbajtja e plotë e Telegramit
Prishtinë, 15 mars, 2025
E nderuara Familje Basha
Me dhimbje të thellë e morëm lajmin për ndarjen tragjike nga jeta të më dashurës suaj, Arbnora Basha, një studente e dalluar dhe e përkushtuar, e cila la gjurmë të pashlyeshme edhe në futbollin kosovar, andaj më lejoni që në emrin tim, KE të FFK-së dhe gjithë komunitetit të futbollit në Kosovë t’ju shpreh ngushëllimet më të sinqerta.
Arbnora përveçse studente ishte edhe sportiste e dalluar. Ajo për shumë vjet ishte pjesë e KF Intelektualet nga Gjilani dhe me krenari e përfaqësoi Kosovën në aktivitetet ndërkombëtare me fanellen e Kombëtares U17.
Me pasionin dhe angazhimin e saj në futboll, ajo shërbeu si shembull frymëzimi që edhe shumë vajza tjera të ndjekin rrugën e sportit, andaj ikja e saj e hershme nga kjo botë ka trishtuar të gjithë komunitetin e futbollit në Kosovë.
Në këto momente të rënda për Ju, jemi pranë jush me zemër e lutje, që ta përballoni këtë dhimbje të madhe.
Po ashtu, ngushëllime të sinqerta i shprehim edhe familjes së Antiana Thaqit, që po ashtu humbi jetën në këtë aksident tragjik.
Me respekt,
Agim Ademi, president i FFK-së
