FC Drita “shkëlqen” ndaj Egnatias, shënon fitore meritore (2:0) në prag të sfidave europiane
Skuadra kampione e Albi Mall Superligës, ka zhvilluar një ndehsje kontrolluese në kuadër të përgatitjeve që është duke i mbjtur në Bullgari, ndaj skuadrës nënkampione të Kampionatit të Shqipërisë – Egnatia.
Sipas njoftimit të publikuar në faqen e saj zyrtare në rrjete sociale, është bërë e ditur se është arritur fitore meritore (2:0) për të ngritur akoma më shumë moralin te lojtarët dhe stafi përgjegjës para ndehsjeve të rëndësisë jetike që skuadrën gjilanase e presin në arenën ndërkombëtare, gjëgjësisht në Champions League – Parakualifikuese.
Mësohet se golat për skuadrën e drejtuar nga Zekirija Ramadani janë shënuar nga Blerim Krasniqi gjegjësisht Liridon Balaj, në një ndehsje sa miqësore e vëllazërore, aq edhe të rëndësishme për “sprovën” e performancës.
Fitorja e shënuar ndaj nënkapionit të Shqipërisë, Egnatia, sipas drejtuesve të skuadrës së Dritës është një test serioz para sfidave ndërkombëtare dhe një sinjal i qartë për rivalët në garat evropiane dhe kampionatin vendor në edicionin 2025/2026 që është paralajmëruar të filloj në mesin e muajit gusht.
