Eurovision 2026 nis sonte në Vjenë, Shqipëria garon në gjysmëfinalen e dytë
Edicioni i 70-të i Eurovision Song Contest nis sonte në Vjenë të Austrisë, me zhvillimin e gjysmëfinales së parë në arenën “Wiener Stadthalle”, ku 35 shtete do të garojnë për trofeun e festivalit më të madh muzikor në Evropë – raporton TV Gjilani.
Në natën e parë do të performojnë 15 artistë, ndërsa vetëm 10 prej tyre do të sigurojnë kualifikimin për finalen e madhe që mbahet më 16 maj. Mes performuesve të kësaj nate është edhe përfaqësuesi i Izraelit, Noam Bettan, me këngën “Michelle”.
Eurovisioni i këtij viti po zhvillohet në një atmosferë të tensionuar politike, pasi disa shtete kanë vendosur të mos marrin pjesë në garë, ndërsa në Vjenë janë paralajmëruar protesta pro-palestineze gjatë javës së festivalit. Për shkak të situatës, autoritetet austriake kanë shtuar masat e sigurisë dhe kanë angazhuar përforcime policore edhe nga vende të tjera evropiane.
Finalja ka tashmë të kualifikuara automatikisht Austrinë si vend organizator dhe fitues i edicionit të kaluar, si dhe shtetet e grupit “Big Four”: Britaninë e Madhe, Francën, Gjermaninë dhe Italinë.
Ndër favoritët kryesorë për fitore këtë vit përmenden Finlanda, Greqia, Portugalia dhe San Marino, të cilat kanë tërhequr vëmendje të madhe me performancat dhe këngët e tyre.
Shqipëria këtë vit përfaqësohet nga Alis me këngën “Nan”, ndërsa do të ngjitet në skenë në gjysmëfinalen e dytë që mbahet më 14 maj.
