Elhami Shabani zgjedhet trajner i Kosovës në karate për seniorë
Karatisti gjilanas, Elhami Shabani, njëherit medalist i bronztë në Kampionatin Europian në Turqi, si dhe fitues e medalist i shumëfisht në evente të ndryshme kombëtare e ndërkombëtare, është zgjedhur trajner i reprezentacionit të Kosovës në karate, shkruan Tv Gjilani.
Lajmi e ka bëtrë të ditur vet karatisti përmes një postimi në rrjete sociale, duke u shprehur krenar për zgjedhjen e tij si drejtues i reprezentacionit.
“Me krenari ju njoftoj se jam përzgjedhur si trener i Reprezentacionit të Kosovës në Karate – Kategoria Senior. Falwnderoj nga zemra Federata e Karatesë e Kosovës, kryetarin e federatës dhe selektorin e reprezentacionit për besimin e dhënë”, ka shkruar Shabani.
Ai është shprehur i bindur se me punë, përkushtim dhe shpirt ekipi, karateja kosovare do t’i arrijë majat botërore!
“Kosovë, le të shkruajmë histori së bashku!”, ka përfunduar karatisti Elhami Shabani.
