E dhimbshme/ humb jetën 20-vjeçari që u lëndua në aksidentin te rrethrrotullimi në Prishtinë
Një aksident i rëndë trafiku që ndodhi në orët e hershme të mëngjesit në rrethrrotullimin në lagjen Lakrishtë në Prishtinë, tronditi gjithë Kosovën.
Një veturë kishte rënë nga rethrrotullimi në Lakrishte, që lidh Prishtinën me Fushë-Kosovën, Mitrovicën dhe Ferizajn, ndërsa ishin lënduar tre persona.
Burimet mediale nga Emergjenca bëjnë të ditur se 20-vjeçari i cili kishte lëndime më të rënda, ka ndërruar jetë këtë mbrëmje.
Ditë më parë, Drejtori i Klinikës Emergjente në Qendrën Klinike Universitare të Kosovës, Naser Syla, kishte deklaruar se 20-vjeçari ishte duke u mbikëqyrur në intenzivë.
“20 vjeçari është trajtuar në Emergjencë, gjendja e tij është më e rëndë. Mjekët i kanë kryer të gjitha intervenimet e duhura, tash mbikëqyrja e tij do të vazhdojë në Intenzivë”, kishte deklaruar Syla.
