Drita ndanë rrugët me Ilir Blakçorrin
Ilir Blakcorri është largimi i radhës nga skuadra e Dritës.
Mbrojtësi i majtë largohet nga skuadra gjilanase pas katër viteve qëndrim me fanellën bardhekaltër.
Ka qenë faqja zyrtare e Dritës që ka konfirmuar shkëputjen e kontratës me mbrojtësi llapjan i cili ka luajtur në 132 ndeshje në të gjitha garat për klubin gjilanas. Drita e ka falënderuar Blakçorin për kontributin e dhënë gjatë kësaj kohe.
Kujtojmë që gjatë ditës së djeshme, më saktësisht gjatë pasdites së 30 majit, FC Drita ka përfunduar bashkëpunimin edhe me lojtarin Hamdi Namani, ndërsa paraperakisht ka vazhduar kontratën me mesfushorin Rron Broja.
“Ju njoftojmë që me marrëveshje të dyanshme kemi mbyllur bashkëpunimin me mesfushorin tonë Hamdi Namani. LUMI erdhi te ne në sezonin 2019/20 dhe gjatë periudhës katër vjeqare arriti 139 paraqitje në të gjitha kompeticionet”.
Ndërsa, paraprakisht Drita ka shkëputur kontratat me tre futbollistë tjerë: Marko Simonovski, Eko Mills dhe Iran Junior.
