Doktor Ukshin Ismajli mbush 4 dekada të plota me kontribut në Sistemin shëndetësorë
Doktor Ukshin Ismajli mbushi 4 dekada të plota me kontribut në sistemin shëndetësorë, shkruan TV Gjilani.
Ai ishte njëri nga themeluesit e Shoqatës së Anesteziologëve të Kosovës në vitin 2000, së bashku me Dr. Dukagjin Binishi, Dr Nehat Baftiu etj.
Shih për këtë ai është uruar nga kolegë e miqë, ndërsa urimi më i mirë duket se i është dedikuar nga familjarët, gjegjësisht djali i tij, Behar Ukshini.
Ai vec tjerash ka shkruar një dedikim me fokus të përshkrimit të rrjedhës së kohëgjatësisë së veprimtarisë së doktor Ukshinit dhe kontributin e tij të pandërprerë për katër dekada me radhë:
“· 40 vjet siguri, në momentet më delikate të jetës së njerëzve.”
“· 40 vjet shprese, për pacientët dhe familjet e tyre, duke e ditur se janë në duart e duhura.”
“· 40 vjet qëndrueshmëri, në një fushë ku çdo detaj ka rëndësi.”
“· 40 vjet përkushtim për shkencën dhe artin e shërimit” ka shkruar në urimin e tij dedikuar të atit.”
Behari poashtu e ka vlerësuar lart personalitetin e doktor Ukshinit si kontributdhënës në komunitet, duke e cilësuar hero të shëndetësisë.
“Ju jeni një hero i vërtetë i shëndetësisë. Gëzuar 40 vjetorin tuaj të punës në këtë ditë kaq të veçantë! “, ka përfunduar ai”, ka shkruar ai nw njw postim nw rrjete sociale.
Kujtojmë që Doktor Ukshini është pensionuar në vitin 2022, e kontributi i tij i është i domosdoshëm edhe tani, te cilin kontibut ai vazhdon ta japë duke qenë në vazhdimësi në shërbim të qytetarëve, pacientëve, sikurse edhe kolegëve të tij të rinj, të cilët i ndihmon profesionalisht në fushën e specializimit të tij – Anesteziologji.
Doktor Ukshini është akoma pjesëmarrës dhe aktiv nëpër evenimente, kongrese, simpoziume e aktiviteteve të ndryshme, madje edhe në rrafshin ndërkombëtarë në fushën e tij.
