Atleti Leoj Thaqi nga Klubi i Atletikës “Rogana” fiton bursën olimpike për LO Los Angjelos 2028
Atleti i spikatur i Klubit të Atletikës “Rogana” nga Rogana e Komunës së Dardanës, Leon Thaqi, ka nënshkruar me drejtuesit e Komitetit Olimpik të Kosovës bursën olimpike për Lojërat Olimpike që do të mbahen në vitin 2028 në Los Angjelos të SHBA-ve, njofton faqja zyrtare e klubit, përcjell TV Gjilani.
Lajmin e ka publikuar trajneri i Klubit, Zijadin Kryeziu, duke e cilësuar hap të rëndësishëm drejt sukseseve të reja në këtë rrugëtim.
“Bursat Olimpike LA 2028 – Atleti ynë Leon Thaqi sot nënshkroi bursën olimpike për Lojërat Olimpike Los Angjelos 2028”, ka shkruar fillimisht Kryeziu.
Sipas tij, ky do të jetë një rrugëtim i ri drejt sukseve te reja.
“Leoni gjatë këtij viti ka treguar një performancë të lartë duke arritur rezultate të shkëlqyeshme dhe rekorde shtetërore. Ai ka treguar performancë të mirë edhe në garat ndërkombëtare dhe si rezultat i këtyre sukseseve të arritura, ai është përzgjedhur në listen e bursistëve nga Komiteti Olimpik i Kosovës”, ka vijuar më tej ai.
Këto rezultate sipas tij vijnë edhe si rrjedhoj e donatorëve dhe ndihmës së tyre, të cilët e kanë ndihmuar klubin në vazhdimësi.
“Gjatë këtij viti kemi nënshkruar marrëveshje për sponsorizim edhe me dy sponsor të tjerë”, ka shkruar ai, ndërsa thekson vëmendjen që lidhet me pritjet e klubit për t’u pajisur me vërtetime nga MKRS.
Kryeziu në fund e ka uruar atletin Leon Thaqi duke i dëshiruar të ketë shëndetin para së gjithash në këtë rrugëtim drejtë suksesve të reja”.
