Daja i lumur, Vavalisi pakënaqur, e quan humbje e pameritur!
Drita u mposht në shtëpi nga Ballkani me rezultat 2-1 në kuadër të javës së 33-të në Albi Mall Superligën e Kosovë, duke ia vështirësuar punët vetës në garën për titull.
Trajneri Akis Vavalis ka thënë pas ndeshjes se ata pësuan një humbje të pamerituar dhe se duhej të kishin fituar tri pikë nga ky takim.
“Krijuam disa raste që nuk i konkretizuam. Ballkani nuk kishte asnjë rast, ndërsa shënoi nga një ndërprerje. Kjo ishte vendimtare”.
“Para dy javësh ishim prapa Ballkanit dhe arritëm t’i fitonim dy ndeshje për të dalë në krye të tabelës. Do ta harrojmë këtë ndeshje pasi ende kemi shanse për të dalë kampion. Kemi disa ditë për t’u përgatitur dhe nisur që nga ndeshja me Gjilanin, do të mundohemi t’i fitojmë gjitha ndeshjet e mbetura”.
“Çdo gjë është në dorën tonë. Në përgjithësi, edhe pse nuk kemi skuadër me shumë lojtarë, do të mundohemi të jemi gati për derbi. Do të jemi në të njëjtin nivel që ishim sot. Sot humbëm por nuk e merituam humbjen”, ka shtuar më tej Vavalis.
Pas ndeshjes, trajneri Ilir Daja ka thënë se është shumë i lumtur me fitoren e arritur në derbi.
“Është kënaqësi të luash përballë Dritës. Ambienti është i mirë këtu dhe niveli si rival kryesor po ashtu”, ka thënë fillimisht ai për Art Sport.
Kemi bërë mirë, duke ditur që është ndeshja e tretë brenda javës. Ekipet nuk kishin energjinë e duhur. Na vjen mirë që kthehemi te fitorja. Kemi bërë dy ndeshje të mira me Prishtinën dhe Dukagjinin”.
“Jam krenar që drejtoi këtë grup futbollistësh që me gjithë lodhjen që kanë pasur mbahen fort për të luftuar deri në fund dhe duke shpresuar që të presim një gabim nga Drita, pse jo”.
“Donim me patjetër të fitonim ndeshjen. Kur e nis kështu akoma më shumë shtohet ngarkesa emocionale”.
“Kur ishim 1:0 kishim mundësi të dyfishonim rezultatin dhe pranuam një gol më pas që kemi mundur ta evitojmë. Sot e kemi ditur se nuk do të kishte spektakël. E kishim një javë të ngarkuar”, ka shtuar më tej Daja.
