Bujanoci mirëpret bashkëatdhetarët, thotë Kryetari Këshillit Nacional shqiptar
Mbrëmë, në qytetin e Bujanocit i është uruar në mënyrë të organizuar mirëseardhje bashkëatdhetarëve përmes një koncerti me këngë të vjetra shqipe që u interpretuan nga grupi i këngëtarëve nga Presheva.
Lajmin e ka bërë të ditur kreu i këshillit Nacional në Luginë, Nevzad Lutfiu, duke u uruar atyre pushime të këndshme në vendlindje.
“Mërgimtarët, kanë kthyer gjallërinë në Bujanoc dhe Luginë të Preshevës. Le të kujdesemi që të shijojnë pushimet në shtëpinë e tyre”, ka shkruar vec tjerash Lutfiu.
Kujtojmë që komuna e Bujanocit dhe ajo e Preshevës, sikurse mbarë Anamorava si regjion, ka një numër jashtëzakonisht të madh mërgimtarësh që jetojnë e veprojnë në vende të ndryshme të botës, e të cilët në këtë periudhë të vitit zakonisht qëndrojnë në vendlindjen e tyre për pushime.
