“Bie perdja” e Manifestimit Kulturor “Vjeshta Letrare e Gjilanit 2022”

Emra të shquar të letrave, e “pena të mprehta dhe stërholluara krijuese”, kanë marrë pjesë në ceremoninë përmbyllëse të aktiviteteve të Manifestimit Maratonik “Vjeshta Letrare e Gjilanit 2022”.

Me ekspozimin e librave dhe botimeve të këtij viti (2022), me një ceremoni rasti të organizuar në hollin e Bibliotekës së Qytetit “Fan S. Noli” në Gjilan, me prezencë fizike të krijuesve të shumtë të Anamoravës, mbarë Kosovës e më gjërë, ka përfunduar aktivitetet tradicionale vjetore Klubi Letrar “Beqir Musliu”, për vitin kalendarik 2022.

Në këtë ceremoni janë ndarë e dhuruar falas ekzemplarë librash nga botimet e kësaj Shtëpie Botuese, Bibliotekës së Qytetit dhe lexuesve të dalluar 2022 të saj.

Me këtë rast janë prezantuar dy numrat më të rinj të revistës letrare AGMIA, nr. 36 dhe 37, të cilët gjithashtu janë shpërndarë gratis për të pranishmit, si dhuratë për festat e fundvitit!

LEXO EDHE: Sinan Sadiku – Pak fjalë për krijimtarinë letrare të Halil Matoshi

LEXO EDHE: Shkrimtarit Prend Buzhala iu dorëzua çmimi letrar “Beqir Musliu”

Në fjalën e tij, Sabit Rrustemi, kryetar i ARS Club Beqir Musliu, u shpreh i kënaqur me mbarëvajtjen e edicionit, ndërsa apeloi te institucionet që ta kenë në fokus këtë eveniment dhe ngjarjet tjera “maratonike” kulturore të kësaj natyre

I pari i Klubit Letrar Beqir Musliu, z. Sabit rrustemi, në pika të shkurta, para të krijuesve e aderuesve të pranishmëm të librit, prezantoi edhe titujt e botimeve nga institucioni që drejton dhe botimeve të kontinuitetit të Klubit Letrar Beqir Musliu, sikurse edhe botimeve tjera që e kanë begatuar vazhdimësinë e tërësisë së manifestimit letrar, sikurse edhe autorët që e kanë begatuar me pjesëmarrje vazhdimsinë e manifestimit për 10 javë me radhë të edicionit të fundit dhe atyre të mëparshëm.

E drejtori i Bibliotekës Qazim Azizi, u shpreh i kënaqur me bashkëpunimin që ka pasur institucioni që drejton me ARS Club Beqir Musliu, në funksion të vazhdmisisë tradicionale botuese e promovuese të librit.

Vlerësime pozitive për organizimin dhe mbarwvajtjen e evenimentin tw këtij edicioni “Vjeshta Letrare e Gjilanit 2022” si dhe kontinuitetit dhe vazhdimësisë tradicionale, kishte edhe kritiku, krijuesi e botuesi, Emin Azemi nga Shkupi.

Në ceremoninë përmbyllëse të “Vjeshta Letrare e Gjilanit 2022”, janë prezantuar e shpërndarë edhe dy numrat më të rinj të revistës letrare AGMIA nr. 36 dhe 37, me prezantime nga aktivitertet e veprimtarisë botuese të ARS Club Beqir Musliu 2022.

https://www.arkatanagjilan.com/gallery/