Bayern nis Kupën e Botës për Klube me fitore dhjetë me zero
Gjigantët gjermanë Bayern Munich e nisën Kupën e Botës për Klube në Shtetet e Bashkuara duke mposhtur Auckland City të Zelandës së Re me rezultat dhjetë me zero, në stadiumin TQL në Cincinnati.
Bayern kishte një epërsi prej katër golash deri në minutën njëzetenjë. Kingsley Coman hapi rezultatin në minutën e gjashtë, dhe Sacha Boey dhe Michael Olise shpejt iu bashkuan atij. Goli i dytë i Coman në minutën e njëzetenjë vetëm sa vulosi fatin e zelandezëve.
Në fund të pjesës së parë, Thomas Müller dhe Olise shënuan sërish, kështu që bavarezët shkuan në pushim me rezultat të thellë gjashtë me zero.
Jamal Musiala shënoi në minutën e gjashtëdhjeteshtatë dhe kompletoi het-trikun e tij në minutat shtatëdhjetetre dhe tetëdhjetekatër.
Epilogun prej dhjetë me zero e vulosi Thomas Muller një minutë para përfundimit të ndeshjes.
Në grupin C ndodhen edhe Benfica dhe Boca Juniors, të cilat do të takohen të martën, më 17 qershor.
