Bajram Isufi emërohet U.D. i Kryeshefit të NPL “Tregu” – Ekipet vazhdojnë punën për një Gjilan më të pastër
NPL “Tregu” intensifikon mirëmbajtjen e hapësirave publike në Gjilan.
Gjilan, 2 qershor 2026 – Ekipet e Departamentit të Hapësirave Publike në NPL “Tregu” po vazhdojnë angazhimin e përditshëm për mirëmbajtjen dhe rregullimin e hapësirave publike në të gjithë territorin e Komunës së Gjilanit.
Aktivitetet e realizuara përfshijnë pastrimin e parqeve, shesheve dhe trotuareve, si dhe mirëmbajtjen e sipërfaqeve të gjelbra, me qëllim krijimin e një ambienti më të pastër, më të rregullt dhe më funksional për qytetarët.
Ushtruesi i detyrës së Kryeshefit Ekzekutiv, Bajram Isufi, ka bërë të ditur se ekipet në terren janë të angazhuara çdo ditë me përkushtim të lartë, duke kontribuar në përmirësimin e pamjes së qytetit dhe të mirëqenies së qytetarëve.
Punimet do të vazhdojnë edhe gjatë muajit qershor, si pjesë e planit të rregullt të mirëmbajtjes së hapësirave publike në Gjilan.
