Arrestohen dy gra, dyshohet se rrahën një burrë në Deçan
Raporti 24-orësh i Policisë së Kosovës bën të ditur se rasti ka ndodhur në Deçan, të mërkurën. Njëra nga të dyshuarat është liruar, ndërsa e dyshuara tjetër është dërguar në mbajtje.
Janë arrestuar dy të dyshuara gra, pasi ato kanë sulmuar fizikisht një burrë pas një mosmarrëveshjeje.
Raporti 24-orësh i Policisë së Kosovës bën të ditur se rasti ka ndodhur në Deçan, të mërkurën.
”DHUNË NË FAMILJE/Deçan 01.02.2023-20:17. Janë arrestuar dy të dyshuara femra kosovare, pasi të njëjtat pas një mosmarrëveshjeje e kanë sulmuar fizikisht viktimën mashkull kosovar”, thuhet në raport.
Krahas kësaj, bëhet e ditur se palët janë intervistuar, dhe me vendim të prokurorit njëra prej tyre është liruar, ndërsa e dyshuara tjetër është dërguar në mbajtje.
