Arbër Zeneli fiton gjyqin dhe afër gjysmë milioni euro nga Adana Demirspor
FIFA ka vendosur që Adana Demirspor të paguajë 450 mijë euro drejt sulmuesit Arbër Zeneli për shkak të mospagesës së pagave.
Klubi turk nuk ka apeluar vendimin në Gjykatën e Arbitrazhit Sportiv (CAS), duke e bërë atë përfundimtar.
Zeneli, 30-vjeçari, ndërpreu kontratën me Adana Demirsporin në janar 2023 pas mospagesës së pagave dhe u ankua tek FIFA.
Më 20 mars, klubi suedez Elfsborg dhe Adana Demirspor arritën një marrëveshje pagese, duke lejuar Zenelin të prezantohej zyrtarisht me Elfsborgun një ditë më vonë.
Sipas FIFA-s, Adana Demirspor duhej të paguante Zenelit 650 mijë euro neto, të ndara në disa këste nga maji deri në nëntor 2023.
Megjithatë, klubi turk nuk e respektoi marrëveshjen, duke detyruar FIFA-n të vendoste pagesën e 450 mijë eurove për pesë paga të papaguara.
Zeneli, i cili filloi karrierën tek Elfsborgu, ka luajtur edhe në Holandë dhe Francë para se të bashkohej me Adana Demirsporin në 2023.
Ai ka shënuar nëntë gola në 33 ndeshje për Kosovën.
