Hapet thirrja publike për ndarjen e bursave për studentet në fushat STEM
Ministria e Arsimit dhe Shkencës ka hapur thirrjen publike për ndarjen e bursave për studentet vajza dhe gra që studiojnë në fushat e Shkencës, Teknologjisë, Inxhinierisë dhe Matematikës (STEM) në institucionet publike të arsimit të lartë në Kosovë.
Përmes kësaj thirrjeje, MASh-i inkurajon pjesëmarrjen e vajzave dhe grave në programet STEM, duke kontribuar në fuqizimin e tyre akademik dhe profesional në sektorë me rëndësi strategjike për zhvillimin e vendit.
Të drejtë aplikimi kanë studentet e nivelit bachelor, të cilat janë regjistruar për herë të parë në vitin akademik 2025/2026 në programet STEM në universitetet publike të Kosovës dhe që kanë dhënë së paku dy provime të semestrit të parë.
Në këtë thirrje inkurajohen veçanërisht të aplikojnë studentet nga komunitetet joshumicë, studentet me aftësi të kufizuara dhe ato që vijnë nga zonat rurale.
Procesi i aplikimit realizohet online përmes platformës e-Kosova, ndërsa aplikacionet duhet të përmbajnë dokumentacionin e kërkuar sipas kushteve të përcaktuara në konkurs.
Për më shumë informata dhe për aplikim, studentet mund t’i drejtohen platformës e-Kosova dhe faqes zyrtare të MASh-it në: linkun
