LDK fton qytetarët në tubimin e madh elektoral në Gjilan
Lumir Abdixhiku dhe Vjosa Osmani pritet t’u drejtohen qytetarëve në sheshin “Rexhep Mala e Nuhi Berisha”
Lidhja Demokratike e Kosovës ka ftuar qytetarët e Gjilanit të marrin pjesë në tubimin e madh elektoral që do të mbahet më 3 qershor, me fillim nga ora 17:45, në Sheshin “Rexhep Mala e Nuhi Berisha”.
Sipas njoftimit, tubimi do të shërbejë si një takim me qytetarët, ku do të prezantohet vizioni i LDK-së për të ardhmen e Kosovës dhe prioritetet për zhvillimin e vendit. Organizatorët kanë bërë thirrje për pjesëmarrje sa më të madhe, duke e cilësuar këtë aktivitet si një mundësi për të përcjellë mesazhe uniteti, shprese dhe besimi në të ardhmen.
Pjesë e këtij tubimi pritet të jenë kryetari i Lidhja Demokratike e Kosovës, Lumir Abdixhiku, si dhe Presidentja e Republikës së Kosovës, Vjosa Osmani.
LDK ka ftuar qytetarët që me praninë e tyre të mbështesin këtë aktivitet elektoral dhe të bëhen pjesë e tubimit qendror në Gjilan.
