LRF Gjilan nderon Skënder Hoxhën në 70-vjetorin e lindjes
Lidhja Rajonale e Futbollit e Gjilanit (LRF Gjilan) ka organizuar një ceremoni nderimi për Skënder Hoxhën, me rastin e 70-vjetorit të lindjes së tij, duke vlerësuar lart kontributin e tij të çmuar në zhvillimin e futbollit në këtë rajon.
Në këtë ngjarje, gjyqtarët e regjionit të Gjilanit shprehën respektin dhe mirënjohjen e tyre për Hoxhën, duke e konsideruar atë një figurë të rëndësishme dhe udhëheqës të përkushtuar ndër vite.
Me këtë rast, ata i uruan atij shëndet të plotë, jetë të gjatë dhe suksese të mëtejshme në jetën personale dhe profesionale.
LRF Gjilan, përmes këtij organizimi, rikonfirmon përkushtimin për të vlerësuar personalitetet që kanë dhënë kontribut të veçantë në futbollin rajonal.
28 prill 2026
