FFK dënon Dritën me gjobë pas incidenteve në ndeshjen ndaj Drenicës
24 prill 2026 | 16:44 – Komisioni Disiplinor i Federates se Futbollit te Kosovës ka shqiptuar masë ndëshkuese ndaj FC Drita, pas incidenteve të ndodhura në përballjen kundër KF Drenica.
Sipas raportit zyrtar të delegatit të ndeshjes, në minutën e 48-të, tifogrupi “Intelektualët” ka ndezur mjete piroteknike në tribunë, të cilat më pas janë hedhur në fushë. Si pasojë e tymit të krijuar, ndeshja është ndërprerë për rreth dy minuta.
Pas shqyrtimit të rastit, Komisioni Disiplinor ka konstatuar se këto veprime bien ndesh me dispozitat e Rregullores Disiplinore përkatëse.
Në bazë të kësaj, Drita është dënuar me gjobë prej 1,000 euro. Klubi është i obliguar që shumën ta paguajë brenda 15 ditësh nga momenti kur vendimi hyn në fuqi.
