Ministri turk zbarkon në Kosovë për përballjen historike Kosovë–Turqi
Kosova po përgatitet për ndeshjen shumëpritur ndaj Turqisë, ndërsa interesimi tejkalon fushën e lojës – Ministri i Rinisë dhe Sportit i Turqisë, Osman Aşkın Bak, ka mbërritur sot në vend.
Ai u prit me ceremoni zyrtare nga zëvendëskryeministri i Kosovës, Fikrim Damka, në një takim ku morën pjesë edhe Ministri i Sportit i Kosovës, Blerim Gashani, dhe Ambasadori i Turqisë në Prishtinë, Sabri Tunç Angılı.
Në shoqërim të tij ishte delegacioni i Federatës Turke të Futbollit dhe futbollistët e ekipit kombëtar. Takime të ngjashme zhvilluan edhe me krerët e futbollit kosovar dhe turk, Agim Ademi dhe İbrahim Hacıosmanoğlu.
Para sfidës, zyrtarët zhvilluan biseda me lojtarët, duke theksuar se mbi rezultatin duhet të mbizotërojë miqësia dhe vëllazëria mes dy vendeve. Sporti është ura më e fortë për bashkëpunim dhe lidhje të qëndrueshme ndërmjet Kosovës dhe Turqisë.
Kjo vizitë e nivelit të lartë dhe ndeshja e nesërme pritet të jenë një mesazh i fuqishëm i bashkëpunimit dhe respektit mes dy vendeve, duke lënë gjurmë jo vetëm në fushën e lojës, por edhe në marrëdhëniet ndërkombëtare.
