Drejtoresha Eljesa Rashiti fton qytetarët të përfshihen në rindërtimin e zonave kadastrale në Gjilan
Ka nisur projekti i rindërtimit të kadastrit në disa zona kadastrale të Komunës së Gjilanit (Lot 5), duke përfshirë:
- ZK Livoç i Epërm
- ZK Bresalc
- ZK Shillovë
- ZK Dobërçan (Miresh)
- Dy lagje të qytetit të Gjilanit: Arbëria dhe Dheu i Bardhë
Ky projekt synon rregullimin e të dhënave kadastrale, sigurimin juridik të pronës, zgjidhjen e problemeve të trashëguara ndër vite, si dhe nxitjen e zhvillimit ekonomik në rajon.
Drejtoresha për Gjeodezi, Kadastër dhe Pronë, Eljesa Rashiti, theksoi se projekti është i rëndësishëm për përmirësimin e kadastrit, saktësimin e të dhënave pronësore dhe forcimin e sigurisë juridike për qytetarët. Ajo njoftoi gjithashtu se të gjitha shërbimet për qytetarët brenda këtij projekti janë pa pagesë.
Për të informuar qytetarët dhe për të përfshirë ata në proces, do të mbahen takime publike sipas këtij kalendari:
- ZK Livoç i Epërm: 1 prill, ora 19:00 – Shkolla Fillore “Vatra e Diturisë”
- ZK Dobërçan (Miresh): 6 prill, ora 19:00 – Shkolla Fillore “Nazim Hikmet”
- ZK Bresalc: 7 prill, ora 17:00 – Shkolla Fillore “Ibrahim Uruqi”
- ZK Shillovë: 7 prill, ora 19:00 – Shkolla Fillore “Vuk Karadžić”
- ZK Gjilan (Lagjet Arbëria dhe Dheu i Bardhë): 8 prill, ora 17:00 – Biblioteka “Fan Noli”
Për më shumë informacione dhe për të plotësuar pyetësorin e projektit, qytetarët mund të vizitojnë faqen kadastra.info.
Ky projekt është një hap i rëndësishëm drejt përmirësimit të infrastrukturës kadastrale dhe garantimit të pronësisë së sigurt për të gjithë banorët e komunës.
