Pasivizimi i adresave në Luginë, për herë të parë, Gjykata e Strasburgut regjistron padi kundër Serbisë

Pasivizimi i adresave në Luginë nga Serbia ka qenë një problem serioz me të cilën janë përballur shqiptarët atje.

Avokati Drini Grazhdani ka thënë se Gjykata e Strasburgut për herë të parë ka pranuar padinë kundër këtij fenomeni.

“Padia është dorëzuar për shkeljet e të drejtave të njeriut që kanë ndodhur ndaj Teuta Fazliut. Regjistrimi i padisë dhe pajisja me numër aplikimi nga Gjykata e Strasburgut është një hap procedural shumë i rëndësishëm, duke marrë parasysh se kjo Gjykatë refuzon mbi 90% të rasteve që në fazën fillestare”, theksoi Grazhdani ndër të tjera.

Avokati u ka bërë thirrje të gjithë shqiptarët që janë të prekur nga pasivizimi, të ndjekin procedurat e brendshme ligjore dhe ta luftojnë këtë dukuri. /Zëri