Në Prishtinën e LDK-së, VV-ja i merr rreth 53% të votave
Kur janë numëruar 100% të votave në Prishtinë, e cila udhëhiqet nga LDK-ja, Lëvizja Vetëvendosje del të jetë e para.
Kjo parti ka marrë 52.94% apo 60 mijë e 696 vota.
E dyta del të jetë Lidhja Demokratike e Kosovës me 21.98% apo 25 mijë e 196 vota.
Në vend të treta është renditur Partia Demokratike e Kosovës, me 19.17% apo 21 mijë e 984 vota.
Ndërsa në vend të katërt AAK me 3.66% apo 4 mijë e 193 vota.
Në Prishtinë të drejtën e votës e kanë shfrytëzuar 119 mijë e 382 qytetarë nga 219 mijë e 516 gjithsej.
Nga zgjedhjet e 28 dhjetorit, kanë mbetur pa numëruar në total edhe 9 vendvotime.
Sipas të dhënave të përditësuara, janë numëruar 2,548 nga 2,557 vendvotime, ku Lëvizja Vetëvendosje vazhdon të kryesojë me 49.30% të votave apo 431,442 vota.
E dyta renditet Partia Demokratike e Kosovës me 21.00% apo 183,826 vota
E treta është Lidhja Demokratike e Kosovës me 13.57% (118,772 vota).
AAK e katërta me 5.68% të votave, ndërsa Lista Serbe ka siguruar 4.78%. NISMA Socialdemokrate renditet me 1.71% të votave.
