Hyseni: Për 4 vjet, shëndetësia ishte një nga prioritetet tona kryesore.
Kryetari i Komunës së Gjilanit, Alban Hyseni, tha se për 4 vjet, shëndetësia ishte një nga prioritetet tona kryesore.
”Mbi 2 milionë euro investime kapitale në këtë sektor: ndërtimi i ambulancës së re në lagjen Arbëria, mamografia moderne, autoambulancat, pajisje të reja stomatologjike dhe renovime të shumta”, tha Alban Hyseni.
I pari i Gjilanit, theksoi se vetëm ekipet tona në terren kanë realizuar mbi 18 mijë vizita në shtëpi, duke u kujdesur për secilin qytetar me përkushtim dhe profesionalizëm.
“Vazhdojmë edhe më fuqishëm, për një shëndetësi më afër qytetarëve dhe më cilësore”, tha kryetari Alban Hyseni.
