Aitana Bonmati fiton Topin e Artë për Femra 2025
Mesfushorja e Barcelonës, Aitana Bonmatí, është shpallur fituese e Topit të Artë për Femra 2025, duke e forcuar statusin e saj si një nga futbollistet më të mëdha të gjeneratës së saj.
Sezoni i saj 2024/25 ishte i jashtëzakonshëm: 20 gola dhe 16 asiste në të gjitha garat, duke e udhëhequr Barcelonën drejt një triplete historike — Liga F, Copa de la Reina dhe Superkupa e Spanjës.
Ky është çmimi i tretë prestigjioz për lojtaren spanjolle.
Pavarësisht një problemi serioz shëndetësor pak para Euro 2025, Bonmatí u rikuperua në kohë dhe luajti një rol kyç me kombëtaren spanjolle. Ajo e çoi Spanjën deri në finale dhe u shpërblye me çmimin “Lojtarja e Turneut”.
Ky çmim e vendos Bonmatín në panteonin e futbollisteve më të mëdha në botë, duke dëshmuar se talenti i saj, forca mendore dhe lidershipi e bëjnë një ikonë të vërtetë të futbollit modern.
