Xhevat Bekteshi – Profili i ekspertit të metrologjisë, personalitetit jashtëzakonisht të suksesshëm në shumë fusha

Të dashur familjarë, farefis, miqë, kolegë dhe qytetraë të dashur të Livicit dhe Komunës së Gjilanit:

Unë jam Xhevat Bekteshi, nga Livoci i Ulët, i gjeneratës ’81. Prej 43 vitesh jam rritur, formuar dhe angazhuar me zemër e mendje në shërbim të komunitetit—në Livoç, në Gjilan, në Prishtinë dhe në diasporë, nga Stuttgart-i e Frankfurti, deri në Bonn e Bruksel, Ankara e New York.

Që nga rinia ime kam ndjekur rrugën e punës së ndershme, përkushtimit dhe angazhimit të vazhdueshëm për zhvillimin e vendit tonë dhe për të qenë gjithmonë pranë njerëzve të mi, kudo që kam jetuar e punuar.

Karriera dhe Eksperienca Profesionale

– Studimet i kam përfunduar në Inxhinieri Elektroteknike dhe më pas i kam thelluar me një Master në Administratë Publike. Aktualisht, jam doktorant në Universitetin “Shën Kirili dhe Metodi” në Shkup, duke hulumtuar tema që lidhen me zhvillimin institucional dhe energjinë e qëndrueshme.

– Kam qenë themelues i Këshillit të Metrologjisë së Kosovës dhe kam ngritur Laboratorin Qendror të Metrologjisë në Prishtinë, i cili sot funksionon sipas standardeve më të larta evropiane (ISO). Jam gjithashtu i pari i certifikuar në këtë fushë në Kosovë.

– Kam shërbyer si drejtor i Metrologjisë së Kosovës dhe drejtor në Ministrinë e Energjisë dhe Minierave, ku kam hartuar module kyçe për hulumtimin dhe zhvillimin e burimeve të reja të energjisë, si dhe për modulin energjetik në Planin Hapësinor të Kosovës.

– Si kryeinspektor i rrjetit elektroenergjetik, kam dhënë kontribut në ndërtimin dhe mbikëqyrjen e standardeve të sigurisë dhe qëndrueshmërisë energjetike për të ardhmen e vendit.

– Kam pasur nderin të përfaqësoj Kosovën në shumë institucione dhe organizata ndërkombëtare, me vizita zyrtare në New York (OKB), Paris (laboratorët e etaloneve metrologjike), Bruksel (ISO), Ankara, Sofje, si dhe në qytete me komunitet të fuqishëm shqiptar në diasporë, si Stuttgart, Frankfurt dhe Bonn. Aty kam sjellë përvojë dhe dije që më pas i kam kthyer në shërbim të komunitetit tonë.

Kudo që kam qenë, kurrë nuk e kam harruar vendlindjen time,për ta ngritur më lart vendin tonë—me dije, me përkushtim dhe me zemër.

Përveç punës si profesor i shkollave të mesme profesionale,ka qe tetë vite që punoj në Universiteti n”Kadri Zeka” në Gjilan,si Koordinator i mësimit praktik dhe tani edhe si Koordinator i cilësisë në Fakultetin e Edukimit ku me përkushtim dhe punë profesionale jap kontributin,mes lidhjes së teorisë pedagogjike dhe punës praktike të studentëve.

Lidhja me komunitetin dhe Shoqata “Kadri ZEKA”!

Që nga viti 1991, në një kohë kritike për Kosovën, kam qenë i angazhuar me diasporën në Gjermani, pa ndërprerje. Kam qenë bashkëthemelues i Shoqatës “Kadri Zeka” në Nürtingen, e cila edhe sot vazhdon të jetë aktive dhe e përkushtuar ndaj ruajtjes së lidhjeve kulturore, sociale dhe edukative mes diasporës dhe atdheut. Ky rrugëtim më ka mësuar rëndësinë e bashkëpunimit, të solidaritetit dhe fuqinë që ka një komunitet i bashkuar rreth qëllimeve të mëdha.

Vizion për Livoçin dhe Gjilanin

Nëse do marr besimin tuaj për të përfaqësuar interesat tuaja si asambleist, angazhimi im do të jetë i qartë, i sinqertë dhe i pakompromis:

– Përkrahje e palëkundur për familjet e dëshmorëve, invalidët dhe veteranët e lavdishëm të UÇK-së—ata që e kanë bërë të mundur lirinë që gëzojmë sot;

– Fokus i veçantë në arsim, me përkushtim të plotë për ngritjen e cilësisë dhe mbështetje për të rinjtë në rrugëtimin e tyre akademik dhe profesional;

– Zhvillim i infrastrukturës moderne: rrugë të sigurta që lidhin Livoçin dhe fshatrat përreth me Gjilanin, Prishtinën dhe çdo cep të Kosovës;

– Ambient i pastër dhe i gjelbër: pastrim dhe rregullim i Lumit të Livoçit, gjelbërim i hapësirave publike, ndërtim parkesh, trotuare të rregullta dhe ndriçim publik;

– Fuqizim i lidhjeve kulturore dhe kombëtare me Prishtinën, Luginën e Preshevës,

– Kumanovën dhe trevat shqiptare kudo që janë;

– Punë e ndershme, e sinqertë dhe transparente, me përvojën time në menaxhim publik dhe përputhje me standardet më të larta ndërkombëtare

– Zëri im do të jetë zëri juaj. Vullneti im – përkushtim ndaj njerëzve, ndaj vendlindjes dhe ndaj të ardhmes sonë të përbashkët.

Parimi im personal

Në rastin tim, vetëm ata që janë kundër rritjes dhe zhvillimit të Kosovës mund të jenë kundër meje. Çdo person që punon me ndershmëri për të mirën e komunitetit, pa dallim partie apo pozite – ka përkrahjen time të plotë. Unë besoj në bashkëpunim, në përparim dhe në ndërtimin e një të ardhmeje të përbashkët, pa ndasi dhe pa interesa personale.

Mesazhi im për ju

Unë jam i renditur me numrin 2 në listën e Aleancës për Ardhmërinë e Kosovës (AAK) për Komunën e Gjilanit.

Obligimi i juaj është të më votoni dhe të mos më harroni!

Sepse unë nuk ju kam harruar asnjëherë, as kur kam qenë në Gjilan, as në Prishtinë, as në diasporë. Zëri juaj ka qenë gjithmonë udhërrëfyesi im.

Unë dhe ju, familja, farefisi, miqtë, shoqëria, kolegët dhe qytetarët e Livoçit dhe Gjilanit, mund të ndërtojmë një komunitet më të fortë, më të gjelbër, më të pastër, më të arsimuar dhe më të lidhur me gjithë Kosovën dhe trojet shqiptare.

Ju faleminderit përzemërsisht për mbështetjen, besimin dhe dashurinë!