“Guxo”, garon me guxim me 4 kandidatë për kryetar komunash dhe 207 për asamble
Partia “Guxo” ka vendosur të garoj në katër komuna për kryetar, me kandidatët përkatës në ato komuna ku shpresojnë të shënojnë fitore.
Lajmin e ka bërë të ditur në rrjete sociale, kryetarja e kësaj partie. Donika Gërvalla Shvarc.
“Në Zgjedhjet Lokale të 12 Tetorit, Partia Guxo garon me 4 kandidatë për kryetarë komunash dhe 207 kandidatë për asambletë komunale. Ekipi ynë është plot me njerëz të përgatitur dhe të përkushtuar, që vijnë nga profile të ndryshme profesionale e shoqërore, por kanë të njëjtin vizion, për komunitetin e tyre, për komunën e tyre, për Kosovën tone”, ka shkruar vec tjerash ajo.
P o s t I m i i p l o t ë
Me këtë përfaqësim dinjitoz, Guxo synon të sjellë më shumë zhvillim, më shumë transparencë, llogaridhënie, integritet, kreativitet dhe energji të re në qeverisjen komunale, duke e kthyer besimin dhe mendimin e qytetarëve në qendër të vendimmarrjes.
12 Tetori do të jetë dëshmia se guximi, përkushtimi e vendosmëria për punë të mira e qëllime të drejta shpërblehet me fitore.
Suksese të gjithëve e na priftë e mbara!
