Juventusi arrin marrëveshje me Lillen për transferimin e Edon Zhegrovës
Juventusi ka arritur marrëveshje verbale me Lille për transferimin e yllit kosovar, Edon Zhegrova.
Kështu ka bërë të ditur disa minuta më parë eksperti i transferimeve Fabrizio Romano.
Sipas tij “Zonja e Vjetër” gjithashtu ka një akord total me futbollistin për kushtet personale.
Tashmë ka mbetur vetëm drita jeshile nga Juventusi për Edonin që ai të udhëtojë drejt Torinos, për ta kompletuar transferimin e tij.
Hapi i fundit që mbetet është aprovimi nga La Liga për kalimin e Nico Gonzales tek Atletico Madridi, pasi kjo e ka vështirësuar deri më tani kalimin e Zhegrovës tek Juventusi.
26-vjeçari do t’i bashkohet Jonathan Davidit me të cilin kaloi disa vite të arta tek Lille.
Zhegrova është pjesë e francezëve nga viti 2022 kur iu bashkua nga Baseli.
