Riad Rashiti: “Krizës në Gjilan po i vjen fundi”
Kreu i degës së PDK-së në Gjilan, Riad Rashiti, në një postim në faqen e tij në rrjete sociale është shprehur i bindur se Zgjedhjet Lokale 2025, të cilat do të mbahen më 12 tetor, do të sjellin një qeverisje profesionale, të ndershme e transparente.
“Qytetarët po e kërkojnë zhvillimin dhe stabilitetin. Qeverisja aktuale e ka fundosur qytetin tonë. Gjilani është zhytur në krizë të thellë, pa investime, me buxhet të keqmenaxhuar, me shpenzime të pakontrolluara, nepotizëm dhe vendime të jashtëligjshme”, ka shkruar Rashiti, raporton TV Gjilani.
POSTIMI I PLOTË I Z. RASHITI
Por koha e dështimeve dhe degradimeve përfundon më 12 tetor.
Së shpejti, Gjilani do të ketë një qeverisje profesionale, të ndershme dhe transparente. Një qeverisje që flet me qytetarin, që e respekton gruan dhe e bën pjesë të barabartë në vendimmarrje, që fuqizon të rinjtë dhe që investon në zhvillimin e çdo lagjeje e fshati.
Unë jam i përkushtuar të rikthej besimin, dinjitetin dhe zhvillimin në qytetin tonë.
Ky është misioni im. Por për me ja dalë, na duhesh edhe ti”.
