Policia: Pesë raste të armëve pa leje brenda 24 ore, konfiskohet edhe municion
Policia e Kosovës ka raportuar për pesë raste për armëmbajtje pa leje, dhe tri raste të përdorimit të armës.
Lidhur me të gjitha këto raste, dy persona janë dërguar në mbajtje, ndërsa të tjerët po hetohen në procedurë të rregullt.
Njoftimi:
PËRDORIM I ARMËS APO MJETIT TË RREZIKSHËM
· Medvec, Lipjan / 13.08.2025 – 10:50. Është arrestuar i dyshuari m/k për shkak se në një aheng familjar kishte shtënë me armë zjarri. Nga i dyshuari është sekuestruar një armë automatike AK-47 dhe 18 gëzhoja. I dyshuari pas intervistimit me vendim të prokurorit është dërguar në mbajtje.
· Janjevë, Lipjan / 13.08.2025 – 22:55. Është shoqëruar në stacionin policor i dyshuari m/k, pasi që në një aheng familjar kishte shtënë me armë zjarri. Pistoleta me gaz është sekuestruar. Me vendim të prokurorit i dyshuari është liruar dhe rasti shkon në procedurë të rregullt.
ARMËMBAJTJE PA LEJE
Ferizaj / 12.08.2025 – 21:30.
13.08.2025 – është arrestuar i dyshuari m/k për shkak se një ditë më parë kishte ushtruar dhunë fizike e dhe kanosë me jetë bashkëshorten e tij, viktimën f/k. Si pasojë e dhunës viktima kishte pësuar lëndime dhe ka pranuar tretman mjekësor. Nga i dyshuari është konfiskuar një pushkë gjysmë automatike dhe 10 fishekë. I dyshuari pas intervistimit me vendim të prokurorit është dërguar në mbajtje.
13.08.2025 – 21:15 – Është shoqëruar në stacionin policor i dyshuari m/k, pasi që kishte shtënë me armë zjarri disa herë në ajër. Pistoleta dhe gjashtë gëzhoja janë sekuestruar. Me vendim të prokurorit rasti shkon në procedurë të rregullt.
Llazicë, Malishevë / 13.08.2025 – NN
Janë arrestuar dy të dyshuar m/k, njëri i mitur për shkak se në rrjet social kishte postuar një foto me një pistoletë në dorë. Nga i dyshuari është sekuestruar një pistoletë me gas dhe pas intervistimit me urdhër të prokurorit të dyshuarit janë liruar në procedurë të rregullt.
Lladroc, Malishevë / 12.08.2025 – 23:30. Janë arrestuar dy të dyshuar m/k për shkak se në një aheng familjar kishin shtënë me armë zjarri. Gjatë kontrollit janë gjet dhe sekuestruar një pushkë gjuetie me 16 fishekë, një revole dhe 17 gëzhoja. Pas intervistimit me urdhër të prokurorit të dyshuarit janë liruar në procedurë të rregullt.
Pastasellë, Rahovec – 13.08.2025 – 21:00 – Është arrestuar i dyshuari m/k, pasi që gjatë kontrollit të shtëpisë së tij i janë gjetur dhe sekuestruar dy pistoleta me gaz dhe 206 fishekë. Me vendim të prokurorit i dyshuari është liruar dhe rasti shkon në procedurë të rregullt.
PËRDORIM I ARMËS APO MJETIT TË RREZIKSHËM
Rr. Lidhja e Lezhës, Vushtrri / 13.08.2025 – 18:20. Është arrestuar i dyshuari m/k, pasi që në një aheng familjar kishte shtënë disa here me armë zjarri. Pistoleta dhe dy gëzhoja janë sekuestruar. Me vendim të prokurorit i dyshuari është liruar dhe rasti shkon në procedurë të rregullt.
