Diplomoi gjenerata e re e oficerëve doganorë në 26-vjetorin e Doganës së Kosovës
Diplomoi gjenerata e oficerëve doganorë në solemnitetin e organizuar me rastin e shënimit edhe të 26-vjetorit të themelimit të Doganës së Kosovës, që po mbahet në sallën “1 Tetori” në Prishtinë.
Kryeministri në detyrë Albin Kurti përgëzoi kadetët doganorë për diplomim.
“Përgëzoj punonjësit e Doganës së Kosovës për rezultatet në punë si një nga institucioetn kyçe të Kosovës si dhe punën me integritet dhe profesionalizëm. Falënderoj edhe partnerët ndërkombëtarë për ndërtimin e institucionit të Doganës së Kosovës”, tha Kurti.
Ndërsa, ministri i Financave Hekuran Murati e cilësoi diplomimin e kadetëve doganorë si moment krenarie që i vihen në shërbim vendit.
“Nuk ka gjë më fisnike sesa t’i shërbesh vendit”, tha ai.
Murati tha se janë rritur të hyrat pa ndryshuar politikat tatimore.
“Kthimi i terminaleve në pronësi të shtetit ka lehtësuar koston financiare të bizneseve.
Edhe Portin në Durrës ka lehtësuar qarkullimin e mallrave”, tha ai.
Drejtori i Doganës së Kosovës, Agron Llugaliu, vuri në dukje aspekte të punës së këtij institucioni dhe të arriturat, duke u shprehur mirënjohje punonjësve të këtij institucioni për punë me integritet.
