Madonna i lutet Papës së ri të shkojë në Gaza në mision humanitar: S’ka më kohë, fëmijët palestinezë po vdesin nga uria
Këngëtarja e famshme, Madonna i ka kërkuar Papës Leo të vizitojë Gazën në një mision humanitar për të ndihmuar fëmijët palestinezë që po vdesin nga uria, duke thënë se “nuk ka më kohë”.
Superylli amerikan, që është rritur si katolike iu lut papës së ri të vizitojë enklavën në një postim në rrjete sociale të hënën dhe tha:
“Ati më i Shenjtë. Ju lutem shkoni në Gaza dhe sillni dritën tuaj fëmijëve para se të jetë tepër vonë. Si nënë, nuk mund ta duroj dot vuajtjen e tyre. Fëmijët e botës u përkasin të gjithëve. Ju jeni i vetmi prej nesh që nuk mund t’i mohohet hyrja”, ka shkruar ajo.
Madonna tha se po i bënte thirrje Leos të vizitonte Gazën sepse “politika nuk mund të ndikojë në ndryshim”, por ndërgjegjja mundet”.
Në postimin e publikuar në ditëlindjen e djalit të saj, Rocco, Madonna tha se dhurata më e mirë që mund t’i jepte është “t’u kërkojë të gjithëve të bëjnë çmos për të ndihmuar në shpëtimin e fëmijëve të pafajshëm të kapur në shkëmbim zjarri në Gaza”.
Politics Cannot affect Change.
— Madonna (@Madonna) August 11, 2025
Only consciousness Can. Therefore I am Reaching out to a Man of God.
Today is my Son Rocco’s birthday.
I feel the best gift I can give to him as a Mother – is to ask everyone to do what they can to help save the innocent children caught in the… pic.twitter.com/y2B3BsXAMt
CNN i është drejtuar Vatikanit për koment.
Që kur filloi papati i tij në maj, Papa ka qenë i ashpër në kritikat e tij ndaj luftës së Izraelit në Gaza, duke shprehur vazhdimisht shqetësimin e tij për civilët palestinezë që përballen me bombardimet izraelite.
