Shifra astronomike, klubet e Premier League kanë shpenzuar ‘çmendurisht’ në këtë merkato
Këtë verë, klubet e Premier League po i kalojnë kufijtë në merkato.
Sipas portalit të specializuar të futbollit “Transfermarkt”, që nga qershori, kur u hap tregu i transferimeve të verës, klubet elitare angleze kanë shpenzuar një shumë mbresëlënëse prej 1.87 miliardë eurosh për lojtarë të rinj.
Pjesa më e madhe e këtyre parave nga llogaritë e tyre, për përforcime, është ndarë vetëm nga disa prej klubeve më të fuqishme.
Dominon Liverpool
Të Kuqtë shpenzuan 307 milionë euro për lojtarë të rinj në afatin aktual të transferimeve, dhe klubi nga Anfield investoi pothuajse 200 milionë euro në vetëm dy lojtarë, Florian Wirtz dhe Hugo Ekitike.
I dyti në listën e shpenzuesve më të mëdhenj është kampioni aktual i botës, Chelsea.
Blutë kanë bërë shumë punë për të forcuar skuadrën e tyre me një investim prej 242 milionë eurosh, dhe për këto para ata siguraun Joao Pedro (70 milionë), Jamie Gittens (65 milionë), Estevao (34 milionë), Liam Delap (35.5 milionë)…
Arsenali është i treti në listë me 156 milionë të investuara deri më tani në nënshkrime të reja, megjithëse kjo shumë së shpejti do të duhet t’i shtohet vlerës së transferimit të Victor Gökeres, nënshkrimi i të cilit për Topçinjtë është çështje orësh.
Arsenali me siguri do ta kalojë shifrën prej 200 milionë eurosh këtë verë për transferimet hyrëse kur suedezi më në fund të nënshkruajë kontratën e tij.
Manchester United shpenzoi afërsisht të njëjtën shumë si Arsenali – 152.7 milionë euro.
Më vete, klubi i Old Trafford shpenzoi më shumë para për transferimin e Brian Mbemo nga Brentford – gati 80 milionë euro.
Në vendin e pestë është Manchester City (145 milionë), i ndjekur nga Tottenham (140 milionë), dhe Sunderland është gjithashtu lart në këtë listë me 115.5 milionë për emra të rinj, ndërsa Brighton, Burnley dhe Leeds janë menjëherë pas tyre.
Të tre klubet e lartpërmendura kanë shpenzuar në rangun e 70-80 milionë dollarëve për përforcime.
Hendeku financiar mes shumicës së klubeve angleze, jo vetëm atyre më të forta, dhe pjesës tjetër të Evropës duket, dhe kjo është e dukshme edhe nga vlerat e transferimeve.
