Federata zvicerane me njoftim të rëndësishëm për ndeshjen Zvicër – Kosovë
Kanë mbetur edhe 50 ditë deri te ndeshja mes Zvicrës dhe Kosovës, e vlefshme për kualifikimet e Kupës së Botës 2026 në futboll.
Ndeshja do të zhvillohet në “St Jakob-Park” në Basel, më 5 shtator nga ora 20:45. Stadiumi pritet të mbushet me shikues, ndërsa përkrahja për Kosovën besohet se do të jetë e madhe.
Të enjten Federata zvicerane ka përkujtuar që ndeshja është pas 50 ditësh dhe në të njëjtën kohë ka njoftuar se biletat dalin në shitje prej 31 korrikut.
Shitja e biletave do të bëhet përmes faqes së internetit “ticketmaster.ch”.
Në grup me Kosovën dhe Zvicrën janë edhe Suedia dhe Sllovenia. Më 8 shtator, Kosova luan me Suedinë, ndërsa Zvicra e pret Slloveninë.
