Presidenti i FC Drita, Flamur Bunjaku me një mesazh të madh pas kualifikimit në raundin e dytë të Ligës së Kampionëve
Presidenti i FC Drita, Flamur Bunjaku ka shkrua një mesazh të vecantë pas kualifikimit të skuadrës së FC Drita në Ligën e Kampionëve.
Ai ka shkruar se kualifikimi I skuadrës së tij, FC Drita është tërësisht meritor, duke potencuar faktin se “Kjo është Drita që të gjithë e duam, skuadra që dominon kudo që luan”.
𝗦𝗵𝗸𝗿𝗶𝗺𝗶 𝗶 𝗽𝗹𝗼𝘁ë 𝗻𝗴𝗮 𝗙𝗹𝗮𝗺𝘂𝗿 𝗕𝘂𝗻𝗷𝗮𝗸𝘂 
Fitore në Prishtinë dhe fitore në Luksemburg, kjo është Drita që të gjithë e duam, skuadra që dominon kudo që luan.
Urime futbollistëve tanë për dy ndeshje të shkëlqyera ndaj Differdange dhe për dy fitore plotësisht të merituara.
Urime stafit teknik për punën e mrekullueshme dhe përgatitjen e jashtëzakonshme.
Një falënderim i veçantë edhe për tifozët tanë të jashtëzakonshëm, Intelektualët, të cilët nuk e lanë skuadrën vetëm as në Luksemburg dhe që ishin pjesë kyçe e këtij suksesi.
Drita është klub për të shkruar histori, dhe ky kualifikim për në raundin e dytë të Ligës së Kampionëve është një moment historik jo vetëm për klubin tonë, por për gjithë futbollin kosovar. Asnjë skuadër nga Kosova nuk kishte arritur këtë më parë, dhe ne e arritëm.
Jam shumë i lumtur dhe krenar për futbollistët, për stafin dhe për të gjithë ata që janë pjesë e familjes së madhe Drita. Ky është vetëm fillimi i një rrugëtimi të gjatë që na pret përpara.
Drita është krenaria e qytetit dhe e gjithë Kosovës. Tani na presin sfida edhe më të mëdha dhe më të bukura në Evropë.
