Eskalojnë zjarret në Tugjec të Kamenicës, reagon nënkryetari Faton Jakupi: “Situata paraqitet serioze por tashmë ka nisur marrja nën kontrollë e flakëve”
Periudha e verës këtë vit vlerësohet shqetësuese sa I përket zjarreve dhe nxehtësisë. Një zjarr I madh ka kapluar edhe lokalitete në komunën e Kamenicës, gjegjësisht në fshatin Tugjevc.
Lidhur me këtë rast ka reaguar nënkryetari kësaj komune, Faton jakupi, I cili ka vizituar rajonin e përfshirë nga zjarret, I cili ka treguar se zjarret kanë shpërthyer gjatë ditës së djeshme, rreth orës 10:00h, të cilat ka thënë se sot kanë marrë hov edhe më të madh.
Jakupi thekson se situata paraqitet serioze, por tashmë ka nisur marrja nën kontroll e flakëve nga ekipet në terren”, ka shkruar Jakupi.
“Sot pata një vizitë në vendngjarje bashkë me përfaqësues të KFOR-it, me qëllim që të vlerësojmë nga afër gjendjen dhe të shqyrtojmë mundësinë e intervenimit ajror përmes helikopterëve. Kemi kërkuar ndihmë në rast se zjarri nuk vihet nën kontroll me kapacitetet vendore”, ka shkruar Jakupi.
Ai ka falënderuar zjarrfikësit e Kamenicës, të cilët tha se me përkushtim dhe guxim po përballen me këtë situatë sfiduese.
“Respekt për punën e tyre të palodhshme në mbrojtje të jetës dhe pronës së qytetarëve tanë”, ka përfunduar njoftimin z. Jakupi.
