“Vrasje nga pakujdesia”, arrestohen pesë policët për rastin e 27-vjeçarit në Lipjan
Me urdhër të prokurorit të shtetit janë ndaluar pesë zyrtarët policorë për rastin e vdekjes së 27-vjeçarit Agon Zejnullahu në Lipjan.
Burime të IndeksOnline nga Prokuroria Themelore e Prishtinës kanë thënë se vepra është kualifikuar si “vrasje nga pakujdesia”.
Inspektorati Policor i Kosovës, ka konfirmuar gjatë ditës se lidhur me rastin në fjalë, i ka rekomanduar Policisë së Kosovës masën e suspendimit të përkohshëm për pesë zyrtarët policorë të përfshirë në këtë ndërhyrje/reagim policor (përfshirë një rreshter dhe katër zyrtarë policorë).
