Të marten, 01 korrik 2025, vendoset gurëthemeli i Shkollës së Mesme të Mjekësisë në kompleksin e Spitalit të Përgjithshëm në Gjilan
Komuna e Gjilanit përmes një njoftimi paraprak, ka bërë të ditur se të marten, më 01 korrik 2025, do të bëhet vendosja e gurëthemelit për ndërtimin e Shkollës së Mesme të Mjekësisë në Gjilan, shkruan TV Gjilani.
Sipas njoftimit, mësohet se është caktuar edhe lokacioni, i cili do te jete brenda kompleksit të Spitalit të Përgjithshëm në Gjilan.
“Të nderuar përfaqësues të medieve, ftoheni të merrni pjesë në vendosjen e gurëthemelit të Shkollës së Mesme të Mjekësisë në Gjilan”.
Po aty bëhet e ditur se në këtë ceremoni pos kryetarit të Komunës së Gjilanit Alban Hyseni, do të jenë edhe zyrtarë tjerë institucional nga niveli qendror dhe ai lokal.
